Helpu chi i gyrraedd eich potensial llawn

Mae Plant yng Nghymru yn darparu amrywiaeth o gyrsiau a digwyddiadau hyfforddi amlddisgyblaethol o ansawdd uchel gyda’r nod o hyrwyddo dull integredig ar gyfer pawb sy’n gweithio yn y sector statudol, y trydydd sector a’r sector annibynnol.

Mae ein cyrsiau a’n digwyddiadau’n tynnu ar adnoddau ein tîm staff arbenigol ein hunain, a rhwydwaith cenedlaethol o unigolion a sefydliadau arbenigol. Ein nod yw darparu cyrsiau a digwyddiadau sy’n ymarferol, yn gyfeillgar, yn ysbrydoledig, ac sy’n adlewyrchu cyd-destun deddfwriaethol a pholisi Cymru, gan hyrwyddo dull gweithredu sy’n ymwneud â hawliau plant.

Gallwn ddarparu hyfforddiant ‘yn bersonol’ pwrpasol mewn lleoliad o’ch dewis, neu gallwn ddarparu cyrsiau hyfforddi rhithwir ar-lein byw, gan ddefnyddio amrywiaeth o lwyfannau ac offer. Mae'r sesiynau hyn yn gwbl ryngweithiol a gallant ddod ag ymarferwyr at ei gilydd mewn amgylchedd dysgu heb heriau teithio.