Mae gan lawer o sefydliadau sy’n gweithio gyda rhieni yn aml y parodrwydd a’r brwdfrydedd i gynnal ymgyngoriadau. Fodd bynnag, maen nhw’n wynebu heriau oherwydd diffyg hyfforddiant, sgiliau neu hyder ynghylch y sesiynau hyn.

Datblygwyd y Pecyn Offer Ymgynghori i bontio’r bwlch hwn, a rhoi i ymarferwyr yr wybodaeth a’r adnoddau angenrheidiol i ymgysylltu’n llwyddiannus â rhieni a sicrhau bod eu lleisiau’n cael eu clywed ar ystod o faterion.

Beth mae’r pecyn offer yn ei gynnig? 

Mae’r pecyn offer yn darparu gwybodaeth i helpu sefydliadau i gynnal sesiynau ymgynghori a grwpiau ffocws effeithiol gyda rhieni. Fe’i lluniwyd i sicrhau bod ymgynghori â rhieni yn fwy hygyrch ac effeithiol trwy ddarparu:

  • Ystod o adnoddau i gefnogi ymgysylltu ac ymwneud â rhieni  
  • Technegau creadigol ar gyfer gwneud rhieni’n rhan o ymgyngoriadau 
  • Canllawiau cam wrth gam ar gyfer cynllunio a chyflwyno grwpiau ffocws 
  • Ffurflenni adborth ac offer i gasglu barn rhieni 
  • Adnoddau printiadwy i’w defnyddio mewn sesiynau  

Mae’r pecyn offer wedi’i fwriadu ar gyfer gweithwyr proffesiynol a sefydliadau sy’n gweithio gyda rhieni, gan gynnwys: 

  • Elusennau a sefydliadau cymunedol sy’n cefnogi teuluoedd 
  • Ysgolion a sefydliadau addysg sy’n awyddus i wella’u hymwneud â rhieni 
  • Awdurdodau lleol a llunwyr polisi sy’n ymgysylltu â rhieni wrth wneud penderfyniadau 
  • Unrhyw sefydliad sy’n chwilio am ddulliau creadigol o gynnwys rhieni mewn ymgyngoriadau 

Digwyddiad Lansio

I gyflwyno’r pecyn offer a dangos sut mae modd ei ddefnyddio’n effeithiol, cynhaliodd Cyswllt Rhieni Cymru ddigwyddiad lansio ddydd Mawrth 4 Mawrth 2025. Rhoddodd y sesiwn drosolwg o’r pecyn offer, gan arddangos ei nodweddion a chynnig cipolwg ymarferol ar sut y gall wella ymdrechion i ymgynghori â rhieni.

Mae’r pecyn offer hwn yn gyfle gwych i weithwyr proffesiynol archwilio ffyrdd newydd o gryfhau ymgysylltiad rhieni a sicrhau bod lleisiau rhieni’n cyfrannu’n ystyrlon at unrhyw drafodaethau a datblygu polisi a gwasanaeth.

Gallwch lawrlwytho’r pecyn offer ymgynghori yma:

Pecyn Offer Ymgynghori

Gweler y digwyddiad lansio yma:

Digwyddiad Lansio Pecyn Offer