Mae Grŵp Monitro CCUHP Cymru yn cyhoeddi adroddiad…
This year marked the start of the journey towards the next examination of the governmentäó»s progress in implementing the United Nations Convention on the Rights of the Child (UNCRC).
Wythnos Croeso i Dy Bleidlais 2023 - Dydd Llun 30 Ionawr – Dydd Sul 5 Chwefror
Cymrwch ran yn Wythnos Croeso i Dy Bleidlais 2023 a dechreuwch y sgwrs am ddemocratiaeth a gwleidyddiaeth gyda phobl ifanc rydych yn gweithio â nhw.
Ar gyfer 2023, thema Wythnos Croeso i Dy Bleidlais yw ‘ein democratiaeth’. Rydym yn pwysleisio bod democratiaeth i bawb, a bod democratiaeth yn digwydd o’n hamgylch.
Rydym yn gofyn i athrawon ac addysgwyr i helpu pobl ifanc i ddysgu mwy am eu democratiaeth a’u pleidlais drwy ddarparu addysg ddemocrataidd yn ystod yr wythnos. Defnyddiwch ein hadnoddau i redeg gweithgaredd i drafod beth mae democratiaeth yn ei olygu, a sut y gall pawb gymryd rhan a dweud eu dweud.
I gymryd rhan yn yr wythnos, pam na wnewch chi gyflwyno gwers, gwasanaeth, ymgyrch cofrestru, diwrnod democratiaeth oddi ar yr amserlen, ychydig o weithgareddau byr neu unrhyw ddigwyddiad addysg ddemocrataidd arall? Anogwch eich pobl ifanc i ddweud eu dweud drwy eu gwahodd i roi mewnbwn i gynlluniau Wythnos Croeso i Dy Bleidlais.
Cofrestrwch i fod yn rhan o’r wythnos a derbyniwch eich adnoddau Wythnos Croeso i Dy Bleidlais sy’n lawrlwythadwy ac yn rhad ac am ddim - maent yn cynnwys sleidiau cyflwyniad, graffigau cyfryngau cymdeithasol a phosteri.
Rhannwch eich gweithgareddau gyda #CroesoIchPleidlais.
