Bob blwyddyn, mae Plant yng Nghymru, mewn partneriaeth â Rhwydwaith Dileu Tlodi Plant (ECPN) Cymru, yn cynnal yr Arolygon Tlodi Plant a Theuluoedd. Mae ein Harolygon Tlodi Plant a Theuluoedd yn cael eu hateb gan blant a phobl ifanc, ymarferwyr a gweithwyr proffesiynol ledled Cymru ac yn newydd ar gyfer 2024, gan rieni a gofalwyr.
Mae clywed y lleisiau cyfunol hyn yn ein helpu i nodi a deall mwy am y materion presennol a’r effaith y mae tlodi yn ei chael ar blant, pobl ifanc a theuluoedd yng Nghymru. Mae eu profiadau a'u safbwyntiau yn ein helpu i nodi a rhannu'r wybodaeth hon yn eang, gyda'r diben o ddylanwadu ar newid, llunio a llywio arfer a pholisi. Mae'r lleisiau hyn yn cael eu clywed ac yn wir yn gwneud gwahaniaeth.
Beth bynnag fo’ch rôl neu sector, os oes gennych gylch gwaith ar gyfer babanod, plant, pobl ifanc a’u teuluoedd, bydd yr adroddiadau hyn o ddiddordeb i chi.